JORGE ANTONIO AMARILLA - GUARANI ÑANE ÑE’Ẽ / Fuente: LAS CIEN MEJORES POESÍAS EN GUARANÍ. Por PEDRO ENCINA RAMOS y TATAJYVA.

LIC. JORGE ANTONIO AMARILLA
.
GUARANI ÑANE ÑE’Ẽ

Guaraní ñane ñe’ẽ
he’ẽte ha iñarandúva
Mborayhu pype ipotýva
Guaraní ñe’ẽ rory.
Mbo’ehára rehaénte
ko yvy ejeguavéta
ikatúgui mitãnguéra
iñe’ẽme iñarandu.
.
. Kyre’ýme che irữnguéra
. yvoty ryakuã porãicha
. ko tetãre ñamyasãita
. ymaitéva ijokopy.
. Arete ñongatupýpe
. itaju oiko ñemíva
. pe ñe’ẽ jarohorýva
. tojegua tojeguave.
.
Néike, néike mitãnguéra
jaiporu ñane mba'éva
ko ñe’ẽ he’ẽtevéva
ñane kữre taipoty,
castellano ykeretéma
Guaraní ñambopoty.
Jorge Antonio Amarilla
.
(Fuente: LAS CIEN MEJORES POESÍAS EN GUARANÍ. Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas).