ÁNGEL ACUÑA ROMERO - YCUA PYTA DE VILLARRICA (POLCA) / Fuente: CANCIONES PARAGUAYAS – Recopilación: MARIO HALLEY MORA y MELANIO ALVARENGA.

YCUA PYTA DE VILLARRICA
Polca - Canción de
ÁNGEL ACUÑA ROMERO
(Enlace a datos biográficos y obras
En la GALERÍA DE LETRAS del
www.portalguarani.com )

.
YCUA PYTA DE VILLARRICA
1ª parte

Villarrica rayjhujhára
mbaracápe rogueru
ajhy'ópe jhe'ëtéva
guaraní poty curu.

Tetagua ñande recópe
ya vy'ávo ñande aty
co árape anga pype
mborayjhu ta ipoty.

2ª parte

Villarrica yvaga guýpe
purajhéigui oico mbyya
torypápe ojhesapévo
panambi vera reta.

Mbaraca jha arpapúpe
toryrýi Ycua Pyta
pe puca yepopetépe
Villarrica to vy'a.

1ª parte

Ycua Pytagui to veve
ara pyre ta jhyapu
cu Manu rembiapocue
omboyeguáva mborayjhu.

Oiméne yvaguive
jha'e avei ovy'a
ojhecháre ainchaite
jhendypu Ycua Pyta.

.

Fuente:

CANCIONES PARAGUAYAS DE AYER Y HOY – TOMO I.

Recopilación: MARIO HALLEY MORA

y MELANIO ALVARENGA.

Asunción-Paraguay 1991.
.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

ANGEL ACUÑA ROMERO - ÑA MA’ẼRA / Fuente: LAS CIEN MEJORES POESÍAS EN GUARANÍ. Por PEDRO ENCINA RAMOS y TATAJYVA.

Autor: ANGEL

ACUÑA ROMERO
(Enlace a datos biográficos y obras
En la GALERÍA DE LETRAS del
www.portalguarani.com )

.
ÑA MA’ẼRA
.
Péina ña ma’ẽra ohasa jeỹma
heko tujaitépe mbeguekatumi
ha’éko ikangýma pytu’u tu’úpe
oho oheka hi’upyrami.

. Pohã mbovymíko oraha ajakápe
. ysyry mboypýri ombyatýva’ekue
. ka’aru jave heta ñeha’ãme
. osẽva torýpe ku oikuave’ẽ.

Oĩma he’íva imba’e porãgui
pe pohã oguerúva ipokatuha
hasýva ho’úrõ upe ka’aýpe
ndojavýivoi katuete okuera.

. Péicha anga oikóva ymaite guivéma
. ao hũ potĩme oñakãpytĩ
. ku pynandimi márõ noñandúiva
. pe ára haku ha ro’y vai.

Sapy’areínte virumi ombyatýrõ
oĩpapa ikuãre ha ojokua hatã
omoĩ haguã ijao ryépe
jehovasa hápe iko’ẽrorã.

. Mamo oikokuévo pe tape ku’áre
. pejuhúva’erãnte ha’eño oñe’ẽ
. térã yvyra guýpe mymba apytépe
. oguapy ipýre opuka he’ẽ.

Ypy’a porãgui akói hapykuéri
avyu ha vy’ápe mitã iñapesã
hi’upy ha yva ijajakamíne
katuete orekóva ome’ẽva’erã.

. Há éko ndahérai ha ndojekuaáiva
. mamóguipa ou ni hekovekue,
. ojehayhuhámante ikatu ha’éva
. imarangatúre upe hekove.

Angel Acuña Romero

.

Fuente: LAS CIEN MEJORES POESÍAS EN GUARANÍ . Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas.

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.