** Composición sencilla, ingenua, serena, en que se transparenta el alma de niño de su añoso autor, que se entretiene y se deleita con lo que va oyendo, mirando y sintiendo... llanamente. - T.
.
Pyhare okaraháre aipykúi tape pukúre
yvoty ryakuã ahetúre avy’a, che retia’e,
ahendúma ave oñe’ẽ umi tetéu pe ñúre
yjayvujoa cheandúre oñohenói ha oveve.
.
. Omimbi ohesapepa jasymi pe amo yvatégui
. ni rei aipo kyhyjégui naipirĩri che rete,
. aratiku, arasape ryakuãngue oguahẽ che ykégui
. ahetữ seve sevégui nahi’ãi aha pya’e.
.
Che peju kangy ohasávo yvytu ndoho pya’éiri
kuchu’i che renondégui che raperãme ova,
jakavere ape para ojepoi yvatégui
ho’áta vaicha ha upégui hapykuerére opu’ã.
.
. Tujuhágotyo karaữ ojuasa juasa ñe’ẽme
. ahendu pe che ypyetépe oñemondýi ynambu
. ha ohóvo ipepo hyapu oguejy jey aguĩeténte
. mba'eténipo iképe ohecha ỹrõ cheandu.
.
Mbarakapu mombyrýguio oguahẽ avei che apysápe
imborayhu rovetãme opurahéi ã mitã
hasyrei che py’a ahase umíva rendápe,
ha aguahe’ỹre ahahápe ndaipotáiri ko’ẽmba.
.
. Ã mba’e iporã porãva oheja pe Ñandejára
. jaikove ha jaguatáva jahecha ha ñahendu,
. tapicha marangatu yvy ári oikokuaáva
. amógotyove yvága ave ohóne ojuhu.
Deidamio González
.
(Fuente: LAS CIEN MEJORES POESÍAS EN GUARANÍ. Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas).
No hay comentarios:
Publicar un comentario