Recomendados

jueves, 4 de marzo de 2010

MIGUEL G. FARIÑA - NIÑO AZOTÉ / Fuente: LAS CIEN MEJORES POESÍAS EN GUARANÍ. Por PEDRO ENCINA RAMOS y TATAJYVA.


MIGUEL G. FARIÑA
(Enlace a datos biográficos y obras
en la GALERÍA DE LETRAS del
.
NIÑO AZOTÉ

** Soñadora manera de decir sus amores a la pretendida. La invita a compartir fruiciones sanas, sencillas, bucólicamente bellas. Este poema tiene música de R. Bazán y fue llevado al disco por los Hermanos Larramendia.
.
Jaha chendive, ñahetữ haguã ñu ombojeguáva
Ku "Niño azote" poty morotĩ, ryakuã mombyry,
oĩme ku amoite "Espinillo" týre ipoty jeráva,
ku pyhareve ombojeguapáva tape rembe’y.
.
. Mba’épa ere, kuñataĩmi, jaha jaguatávo,
. Jaiko jaipo’o ku nde joguaha, ku "niño azote"
. Ha upégui jaiko ñande saraki ha ñañomuñávo,
. Ta'imitã reko ñane mborayhu upéicha jave.
.
Oĩme ku avei "Enero rymba" ipepo ryapúva,
Oikóne ohetữ pe "niño azote" ñandéicha avei;
Ha ijysapykue ko’ẽmbavove ha’e’anga omboy'úva
Ombogue haguã ipy’araku "tuku parami".
.
. Umi panambi onohenoĩmba ha oveve ojoykére,
. Ou ohecha tupã rembiapo ryakuã porãite;
. Ndohejasevéi oiko ojeroky pe hakã mbytére
. Ha ombyasyhikuái ohejataha pytữmbávove.
.
Oĩme ombojegua pe "niño azote" che róga rokára,
Arúva'ekue okypa rire che rópe añoty
Ikatu haguã amboyvotymi ku che santo ára
Ha tohasapa che rekohami pe hyakuã asy.
.
. Oiméne amoite ipoty jera tape rembe’ýre
. Jaha ñahetữ ko ndéicha avei ahayhúva che
. Javy’a haguã, kuñataĩmi, jaha ojopyapýre
. Jaiko jaheka, yvotyryakuã, ku "niño azote".
Miguel G. Fariña
.
(Fuente: LAS CIEN MEJORES POESÍAS EN GUARANÍ. Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas).

No hay comentarios:

Publicar un comentario