JOSÉ ASUNCIÓN ACUÑA - POÉTARÕNTE AIKOSE / Fuente: LAS CIEN MEJORES POESÍAS EN GUARANÍ. Por PEDRO ENCINA RAMOS y TATAJYVA.

JOSÉ ASUNCIÓN ACUÑA
.
POÉTARÕNTE AIKOSE

** Muestra de la veta jocosa e irónica del autor. Estilo popular, fácil, fluido. - T.
.
Che ofísiogui apoi
Verso apópe ajeity
Chéku chekatupyry
Levadúrape añoite;
Che vorsillo kueheve
Henyhẽ pirapirégui
Ha ãĝa chevyroitégui
Poétarõnte aikose.
.
. Pyharérõ ku ndakéi
. Pe jasy rehe amaña
. Ichupénte ku hi’ã
. Serenátape aĝuahẽ
. che’añorei añe’ẽ
. Che apytu’ữko hypa
. Manikómiope taha
. Poétarõnte aikose.
.
Ku che kamba jukyete,
ko’ẽ ha ipire vai
omopẽ "vaka ratĩ"
Ha chekutu ipype
Ndakesevéi hendive
Ha osẽ oho chehegui
Nambyasýiri ni rei,
Poétarõnte aikose.
.
. Amoĩma katu lénte
. Pe hállere ajovayva
. che jyva guýpe araba
. Cuartilla henyhẽte
. Tembiapóramo ku che
. Ni rei nahendusevéi
. Viru ndahechasevéi
. Poétarõnte aikose.
.
Cine jára ipochy,
Ndoikuaaséi mba’eve
a patada chemosẽ
ñemotĩ niko ha’u,
Hasypevéko aju
Ajepy’amongueta
Iporãvénteku aha
Aikyreka tungusu.
.
. Imprentéro hi’aju
. Cherehe noma’ẽséi
. chehegui ndikatuvéi
. Ojapove mba’eve,
. Che ra’ãnga ajerure
. karátulape toho
. Nañanduvéi neroyrõ
. Poétarõnte aikose.
.
Compositor ika’apa
Che exigénte’eterei
Sólfapeke tomoĩ
Verso" cherembiapokue
Tojegraváke pya’e
Radio rupi taiñasãi
Tou jepe "Carta hái"
Poétarõnte aikose.
.
. Ko che áva ipuku
. Che ati’ýre oñenupã
. Ajokapa ko che akã
. Ha nosẽi ni tarave.
. umi verso ahenokue
. Aipyhy ahesa’opa
. Reínte ajehovaka
. Poétarõnte aikose.
.
Atyha rupi aguahẽ
ku chejuruvy reí
-Fulano, toñe’ẽmi-
ku ahendúrõ oje’e:
¡Hypy! ¡kúchi! ¡joaite!
Público osapukaipa
Jepevérõ achuchupa
Poétarõnte aikose.
José Asunción Acuña - Paraguay, mayo 1948
.
(Fuente: LAS CIEN MEJORES POESÍAS EN GUARANÍ. Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas).