Recomendados

lunes, 7 de septiembre de 2009

ENRIQUE TORRES - POESÍA POPULAR DEL SIGLO XX

POESÍA POPULAR DEL SIGLO XX
Autor: ENRIQUE TORRES
.
CHE VALLEMI (MI VALLE EN ESPAÑOL)
Oiméne tajy poty pe cerro omopytãmbá,
oiméne hyakuã porã opárupi ka'aguy,
oiméne ku mainumby ovy'a ha isaraki
maymáva guyramimi ijayvu ha opurahéi
che py'águi ndojeivéi upe che Paraguaimi.
.
Umi ysyrymimi panambi oñuãmba,
ha oime culantrilloita hembére ojere rei,
llantén peteĩteĩ ku hogue hovy asy,
ha iguýre iñanambusu ju'i rupi'aký.
.
Ku asucena okúi rei hyakuãngue ne monga'u,
panambi hovy guasu oveve ñemi ñemi,
oiméne ku guyra'i opárupi ojaitypo,
eira ru'ã ono'õ yvotyre omburea
upéva ijeirarã oipyte ha ohykue'o.
.
Oiméne hyakuã porã ku yvytu cérrogui oúva,
amambái ryakuã oguerúva ka'aru ro'ysã porã,
oiméne ijayvu joa umi ykuágui oúva,
iñakã ári oguerúva kambuchi ha hyakuã,
hi'ãnte chéve ahecha upe che valle ahayhúva.
.
Oiméne ynanbu sevói pe ñure morotĩmba,
tetéu ijayvu joa jahasávo iñangekói,
hi'ã váicha che renõi che retãmi porãite,
ha oime che rembiayhukue che rechaséva avei,
che rayhúrõ gueteri ahayhu háicha ichupe.
.
El tiempo hatã oiko ñane akã omyapatĩ,
ñande rova omocha'ĩ ha ndaikatúi jajoko,
nahi'ãnte la amano mombyryete ndehegui,
aháne rohechami che akãme roguerekóva,
ha amõne ave che ahõva rohechaga'ugui aĩ.
ENRIQUE TORRES
.
Fuente: ANTOLOGÍA DE LA POESÍA CULTA Y POPULAR EN GUARANÍ
Edidión bilingüe – Versión en español de
RUBÉN BAREIRO SAGUIER - CARLOS VILLAGRA MARSAL
Introducción: FRANCISCO PÉREZ-MARICEVICH Colección: Imaginación y Memorias del Paraguay (4)
Edición de SERVILIBRO, especial para ABC COLOR
Dirección editorial: VIDALIA SÁNCHEZ
Diseño de tapa: Celeste Prieto
Aunción-Paraguay 2007 (103 páginas)

No hay comentarios:

Publicar un comentario