ANDRÉS SALOMÓN - NE PORE’ỸME / Fuente: LAS CIEN MEJORES POESÍAS EN GUARANÍ. Autores: PEDRO ENCINA RAMOS y TATAJYVA.

POESÍA de

ANDRÉS SALOMÓN

(Enlace a datos biográfivos y obras

en la GALERÍA DE LETRAS en

www.portalguarani.com )

NE PORE’ỸME

.

Pytữmby oğuahẽvo ñembyasy pa’ữne che’ãho mantéva
Ndahupytyvéigui cheãngapyhýva ne kunu’ữmi,
Ha che korasõme techase rata chejope asyetéva
Naiméigui ndeypýpe ha nderejuvéigui nde che kambami.
.
. Heta pyharéma ku akeve’ỹre cheko’ẽ jevýva
. Rohechasetégui topehýi ndoúiva chemombytu'u;
. Tomombe'umínte chemoyrữmihára chéicha oñembyasýva
. Ka'aguy ypytữre ojahe'oitéva, guyra urutau.
.
Amóme ha’éma kóicha oikorãngue mombyry ndeypýgui
Ku tape puku ijapyra’ỹvare aháma hağua,
jahechápa péicha ndacheresaráiri pe ne mborayhúgui
Ha ndaivevuivéipa chejopy asýva angata ñaña.
.
. Aikuaasemínte oĩmévapa nde, pe nde rekohápe
. Tesaráipe oikóva réra sapy'ánte nde juru ohenói
. Térã chéve añónte rohayhu porãgui opaite hendápe
. Kuarahy oikévo rohechasetégui vy'a’ỹ heñói.

.
Hi'aiténte chéve rejumi jey che rembiayhupára
Ne ma’ẽ rorýpe rembopiro’ỹvo ko che rekove
Topami anga ko techaga’u che juka potáva
Ha ne kunu’ữ mante ikatúva omongueraite.
.
. Jepevémo ndénte ndacherayhuvéigui chereja ko'áicha
. Tesarái poguýpe arombyasyetévo pe nde tapere,
. Cheañomínte aikóne nderehe che ãhóvo ha’e ku mitãicha
. Rohenói asýne hi’ãitégui chéve nde ypýpe aĩme.
Andrés Salomón
.
(Fuente: LAS CIEN MEJORES POESÍAS EN GUARANÍ. - Con nuevas incorporaciones y grafía actualizada. Por PEDRO ENCINA RAMOS (PORTALGUARANI.COM)
y TATAJYVA – RUBÉN D. CÉSPEDES (PORTALGUARANI.COM)
Asunción-Paraguay 1997 – 425 páginas)