Recomendados

miércoles, 17 de marzo de 2010

RAMÓN SILVA - TORORE RORE y TOPA / Fuente: ÑE’ẼPOTY ATY – VOCES DE POETAS EN GUARANÍ por FELICIANO ACOSTA y NATALIA KRIVOSHEIN DE CANESE





POESÍAS de

(Datos biográficos y obras
en la GALERÍA DE LETRAS del


TORORE RORE
Para Marilín de Ayala Matto
.

Torore rore
ndokeséi ko mitã.
Kyhápe
Oipyso
ipepo
mainumby.
Torore rore.
Tovénte hína.
Péina
Jasy
oma’ẽ
kyhyje.
Karai pyhare
ojere,
ojere,
pe okáre oguata kirirĩ .
**/**
Torore rore.
Purahéi oheréi ipire.
Okétama mitã.
Ombotýma hesa.
Ema’ẽnte hese, ema’ẽnte.
Osapymíma.
Ombotýma hesa.
**/**
Torore rore.
Eipete vevuimi.
Eipete.
Eipete.
Tokénte mita.
Tuja karape
mitã oke’se’ỹva guerahaha,
oheka, oheka
ndojuhúi mba'eve
okégui mita.
Okéma mitã.
**/**
Kyhápe
peteĩ
mainumby
kirĩ háme
ombogue ipepo.
Torore rore.
Tokénte mitã.
Tereho karai pyhare, karape tereho.
Tereho chopombe tereho.
Okéma mitã, tereho.
**/**
Torore rore.
Okéma mitã.
Toke anga katu.
Toke anga katu.
Toke.
Toke.

Ramón Silva

**/**
TOPA
Topa tekotevẽ ko yvy ári.
Toque jehasa asy rata tekópe.
Tojeka py'a ratã jeikohóre
ha tokúi po a òande pópe.
Toque,
toho,
tosẽ,
topa mba'e vai yvy apére.
**/**
Taipoty ñepytyvõ tapichápe.
Topupu pu kavy yvýicha tapépe.
Totytúi tesape mbyja pytũ hãme
ha taheta mbujape mitã pópe.
Topupu,
totytýi,
tahatã,
taipoty yvy ári tyguatã añete.
**/**
Mba'e porã taheñói mayma pýpe.
Ñorairõ gueteri toguevi taipaha.
Ñame’ẽ ñande po pytyvõ tapichápe
ha topa yvy'ỹ, mboriahu, jejahéi,
ñorairõ, vare’a.
Togue,
toho,
tosẽ,
topa mboriahu ko yvy ári.
Topa mboriahu... ajépa.
Topa mboriahu... ajépa.
...ajépa.

**/**
Fuente: ÑE’ẼPOTY ATY – VOCES DE POETAS EN GUARANÍ por FELICIANO ACOSTA y NATALIA KRIVOSHEIN DE CANESE . Editorial Servilibro, Asunción-Paraguay 2005.

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

No hay comentarios:

Publicar un comentario en la entrada