MIGUELÁNGEL MEZA - PERURIMA / TEATRO MBYKY MBYKY – Versión Bilingüe

PERURIMA
Autor MIGUELÁNGEL MEZA
TEATRO MBYKY MBYKY

Versión Bilingüe
Dibujo de tapa: José María Benítez

Arandura Editorial,

Asunción-Paraguay, 2008

187 páginas.
**/**

ÑE'Ẽ ÑEPYRỮRAMO
** Ymaitereiguivéma ñane ñe'ẽporãhaipyre rupi ñahendu, ha ko'áğa ojehai ha añemoñe'ẽma avei, Káso Ñemombe'u "PERU-RIMA" rehegua. Peteĩ avajepigua'ỹ hekovesỹẽva'ekue tetãnguéra kerayvotýpe, oñemomba'ejevy hağua ñane retãnguéra reko asykue.
** "PERU-RIMA" heta mba'e oguereko, ikatypyry (arandu ka'aty) imorombi, ha'eveiterei, ha ojeguereko tekoverusuikoéicha ñe'ẽporãhaipyre tetã mba'épe; oñembotavykuaamíva oimo'ayka hağua heko tavy ha ipituvaha gua'u, áğa iñaputu'ũ omba'apo pya'eitereígui akõinte osẽva tenonde oimeraẽ apañuãigui.
** Tetãnguéra oñemoha'ãnga hese umi Káso Ñemombe'úpe, ha upéva ha'e peteĩ ñe'ẽmondo umi mburuvicha, poguasu, imba' eheta térã oñemombaretesévape ğuarã, ani hağua oñembohory, o'apo'i térã oporomondyise gua'u, oğuahétaha peteĩ ára ikatútaha okapu hesekuéra imba'e vai apo. ¡CHÁKE UPÉICHARÕ!
** Áğa, umi Káso Ñemombe'u ojoavy umi España ñe'ẽmeguágui oje'éva Cuento, kóva oñemombe'ùgui oparupigua tetãnguérare (techapyrã: Caperucita Roja, Pinocho, ha mba'e) ha Kasokuéra Ñemombe'u, avajepigua'ỹ "PERU-RIMA"-ichaguáva, oñernombe'u paraguái mba'ekuaa reko apytépente, ijapohárape ndojekuaaporãi, áğa oje'e Paraguái ra'yeteha.
** Pe porandu ikatúva oje]apo ko'ága he'i: ¿Mba'épa pe ipyahumíva ikatúva ojejuhu ko tembiapópe? Ha mbohovái noñeha'ãrõykái: KÁSO ÑEMOMBE'ÚGUI oñembohasa ÑOHA'ÃNGÁPE-, ko'áğa oñemoñe'ẽtagui mokõi térã hetave tekora'ãha oñondive, upéicha ojejapógui ñoha'ãngápe, ndaha'emo'ãvéima peteĩ mba'e ñemombe'upýva haihararãnte, oñemoha'ãngáta tapicha añeteguaite rekove rupi, hembipota térã heko asykuéra ndive, ombohovake ha omoañetétava ñembohovái rupi ombo'ypýta hekovekuéraite.
** Ha ápe Miguelángel Meza ombopyahujevýta ñane ñe'ẽporãhaipyre, Ñoha'ãnga rupígui "PERU-RIMA" oñemoha' ãngáva' erã, ha upeva' erã oñeikotevẽ irundy mba'ére tekotevẽitereíva:
· 1ha: KUIMBA'E REKO RYEPY: Ojehechávo ha'eteguivénte, tetia'e, mborayhu ha hembipotakuéra ivai ha iporãva.
· 2ha: TEMIANDU ÑEMBOHOVÁI: Oñemoñemuña ñembohovái, peteĩ mbarete ambue mbarete ndive.
· 3ha: TEMBIAPO: Upe tembiapógui hekoveséva, ha upe tembiapo rupínte hekove ryepy ojeikuaaykáva.
· 4ha:IJAPÝRA: Ko tembiapo tekoporãmbo'e ohupytyséva, opaite ára hesahova'erã hese, ohupyty hağua mba'e porãvante, ha ohechaukáva tembiapo paha, taha'e jehasa'asy ha tapere peteĩva mba'epota ñembohováipe, térã oñembokupytývo hekopeite umi mba'epota.
** Añetehápe avei, Haihára Ñoha'ãngapegua, ohechaukava' erã heko teete iñambuéva avei, ndaha’evéimava tekora' ãha térã tetã ymaguare reko ryapu oujevýva, omoĩngove'ypyjevy ha ahechaukáguiva'erã pe hembiapo ha'e oimo'ãhaichaite.
** Miguelángel Meza, ko tembiapópe, ombohepy ha omongakuaave ñane ñe'ẽporãhaipyre, ichupe ğuarã che aguyje chembojeroviávo ko tembiapo ñe'ẽ ñepyrũrãitépe.
MODESTO ROMERO CUETO
**/**
TECHAUKAHA
ÑE'É ÑEPYRỮRAMO
RRÉI NDIVE
· 1. ISYMANÓRAMO GUARE
· 2. MBOHAPY PORANDU REHEGUA
· 3. MBOHAPY ITAJU AKYTÃ REHEGUA
· 4. OIKÓRAMO GUARE POROMOMEMBYHÁRARÕ
PA'IKUÉRA NDIVE
· 5. OMBOTAVÝRAMO GUARE PA'I LEÚPE
· 6. ÓLLA PAJE REHEGUA
· 7. OÑEMOTENONDÉRAMO GUARE PYTU MARÁNGATÚRE
· 8. OHAPÝRAMO GUARE CHUPE TEMBI'U'AKU
· 9. OHECHAPORÃVÉVA IKÉPEGUA REHEGUA
· 10. OMOMBE'U KUAAVÉVA LA BÍBLIAPEGUA REHEGUA
AMBUÉVA
· 11. OHÓRAMO GUARE SANDIA'ÚVO
· 12. OMBYATÝRAMO GUARE KUARAHY
· 13. OIKÓRÕ GUARE PARRAL REREKUÁRÕ
· 14. OIKÓRÕ GUARE KARAI OYTÚRERÕ
· 15. OIKÓRÕ GUARE POHÃNOHÁRARÕ HA IKOMPÁI: LAMUÉRTE
· 16. OMANÓRAMO GUARE