Recomendados

sábado, 5 de diciembre de 2009

EMILIANO R. FERNANDEZ - Poema BOLIVIA / Fuente: VENCER O MORIR por RAMÓN CÉSAR BEJARANO

EMILIANO R. FERNANDEZ
**/**
Obra: BOLIVIA
(Km. 50 de Puerto Casado -1927)
-
Naimo’äi po ofendé, ayevénte apurajhéita
mbîkîmí ñane ñe’éme che recópe arrieromí
aguapî pende apîtepe, ava’í rejhe añe’ëta
alboroto oyapóva ndicatúi arokïrïrï
**/**
Ndicatúi marö ajhechá cu îmaitema jheracuäva
ava’í oútajhá ñande Chaco oipîhî;
amenaso jha lorito ñande ári nte ojhasáva
jha reíma ava’í ¡nde ruvî nembo tavî!
**/**
Cu león ma ilaurel guîpe pîtu’úpe orambíva
ojhendúramo yepe nde jhu’î rembo jhacuá;
no penáinte nderejhé, nda jha’éi oñomo mïrïva
ojhendúramo yepé nde jhu’î rembo jhacuá
**/**
Leonmí imarangatúva ndo yujhúi ayá otentava
no roncái jhecópe în, ndereyáiro reipichäi;
aniangánte upeicha jhágui oyujhútei iñañáva
ñoräirö äcäracúpe, ipîapémente oicaräi.
**/**
Nda aréi jhina oyapó ndéichaguá imba’épotáva
mbojhapî ojhua’ï vaecué oipotágüi ore ajhoyá
jha nde péina irundî-jhá ensuguî reñejha’äva;
repensá mamoreí, tuichá reye poyocá.
**/**
Jhetemí nde raperäme reyujhú vaerä reyúvo
Cavîtá ne ra’äröva ipopía pú yoá;
reyopî vaerá ava’í ore îvîpe repîrüvo
peipotáramo añeté michimí ore ajhoyá
**/**
¡Néina mina, cho Elí!(1) Epomí ne renondévo
Nde îkére ehe yujhúne, anichéne añemondîí;
máuser mí güivé che pópe ñande Patria defendéve
aniché vaerä agueví, ni jhetavérö umí te’îi
--
(1.) Eligio Ayala, entonces Presidente de la República.
.
Fuente: VENCER O MORIR – FORMACIÓN GUERRERA DEL PUEBLO PARAGUAYO ANTES DE 1932 por GENERAL BGDA. (S.R.) RAMÓN CÉSAR BEJARANO , Editorial Toledo, Asunción-Paraguay 1970 (Serie Guerra del Chaco Nº 5).

No hay comentarios:

Publicar un comentario en la entrada