Recomendados

martes, 6 de julio de 2010

VALOY CAÑETE - RESERVISTA PE GUARÂ (POESÍA) / Fuente: ESCRITORES Y MÚSICOS DE LA ÉPOCA DE LA GUERRA DEL CHACO. Autor: CANCIO GIMENEZ.


RESERVISTA PE GUARÂ
Poesía de
VALOY CAÑETE
(Enlace a datos biográficos y obras
En la GALERÍA DE LETRAS del
www.portalguarani.com )

.
RESERVISTA PE GUARÂ
Compañeros reservista
Peñembyaty che rejhé
Peéme ajhenducasé
Che purajhei mbykymí
Voluntad etereí
Arecó che corazó cuápe
Ayuvo penerendápe
Aipotá pejhendumí.

Oicó movilización
Jha ajhendú ipu corneta
Ayagarrá bayoneta
Jha Cháco coty amarchá
Arecó la voluntad
Che po moirûseté
Che tuyá ramo yepé
Lo mismo aserví vârá.

Jha peê che gente cuera
Perrogáke che rejhé
Tajháta che guapoité
Ta vence umi ava'í
Jha peicuaáramo asapymí
Ndaipotai penerâsé
Peityminte cherejhé
Pe neñembo'é ra'y mí.

Toipeyú norte pôrâ
Toguerajhá che ñe'ê
Che sype tomoguâjhé
Toicuaamí cherendá
To ñemoî torrogá
Jha icuruzúre aicotevê
Toitymí cada cö'é
Tasê con felicidad.

Paraguayo, Paraguayo:
Yacu'éke enteroité
Che ajháma tenondé
Amoirû hermano cuera
Oîva en la trinchera
Alientore oicotevê
Iyapytepe taguajhê
Tambo viva la bandera.

Oiméva mocôi cheirû
Mbojhapyihá cherejhé
Jha atopane catueté
Oicôramo la Tyapú
Aicuaá ipy'á guasú
Valinotti jha Fernández
Tomandá salto adelante
Jha che topane tenondé.

Aníke chermano cuera
Tesaraipe yejheyá
Umi ñanderú tuyá
López tiempope guaré
Paso de Patria guivé
Hasta que Cerro Corá
Valentía ojhechaucá
Hasta omanoité pevé.

Upéichake ñandavé
Voluntad yajhechaucá
Te'i ñanderú ymá
Umí López ra'yré
Ya heredajhá ichupé
Jha aní kena ñamotî
Oimévaco güeterí
Guarán ray'ré etaité.
.
Valoy Cañete
Cabo 1° de la 4a. Compañía Infantería
Puerto Casado 1932
.
Fuente: ESCRITORES Y MÚSICOS DE LA ÉPOCA
DE LA GUERRA DEL CHACO
Autor: CANCIO GIMENEZ,
Ediciones Intento, 1987 (212 páginas)
.
Visite la
GALERÍA DE LETRAS
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

No hay comentarios:

Publicar un comentario en la entrada