Recomendados

martes, 29 de junio de 2010

EMILIANO R. FERNÁNDEZ - CHE PURAJHEI / Fuente: CANCIONES PARAGUAYAS DE AYER Y HOY – Recopilación: MARIO HALLEY MORA y MELANIO ALVARENGA.


CHE PURAJHEI
Canción de
EMILIANO R. FERNÁNDEZ
(Enlace a datos biográficos y obras
En la GALERÍA DE LETRAS del
www.portalguarani.com )

.
CHE PURAJHEI
Icatúnte curiverö apa riréma
oguajhë pende ypype che ñe'ë
pe ágä omopotïvo ta ico'ëma
purajhéi pende rurembiapocue.

Cu peimerö ivaijhápe yeyopýpe
oguajhëne peimejhápe che angue
pende rupívo vevejhápe cuarajhýpe
pejhecávo porajhapegua tape.

Nda pevy'äiro pene año che taperépe
pejhecante tape cu'ápe aicojhague
yvyra guapo'yre che kysépe
mbojhapy ñemombe'u aity vaecue.

Che purajhéi pende kéra omovy'áne
che purajhéi pende peyúne pyjhare
che purajhéi pene renóine pene acäme
omombe'u mamoitépa che aime.

Oguajhëne oguajhëva angaipavóra
ñande rógape ojhecávo yvoty
pojheyake toipo'ónte oipo'óva
pende ru amyryi ry'ái repy.


Che cü osoro sapy'ante yvyguýpe
che kytïramo yvyguýpe yvyya
che purajhéi toico pende cotýpe
yopiguáicha pejhendu pende papá.
.
Fuente:
Recopilación: MARIO HALLEY MORA
y MELANIO ALVARENGA.
Asunción-Paraguay 1991.
.
Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

No hay comentarios:

Publicar un comentario en la entrada