Recomendados

martes, 29 de junio de 2010

EMILIANO R. FERNÁNDEZ - AZUCENA MI POTY / Fuente: CANCIONES PARAGUAYAS DE AYER Y HOY – Recopilación: MARIO HALLEY MORA y MELANIO ALVARENGA.


AZUCENA MI POTY
Canción de
EMILIANO R. FERNÁNDEZ
(Enlace a datos biográficos y obras
En la GALERÍA DE LETRAS del
www.portalguarani.com )
.
AZUCENA MI POTY
Asëta ajha mombyry
yayuechave'yn jhaguäme
jha anive nde rayjhupápe
amocö che resay
nderejhe aipota iyaty
yepiguáichante vy'a
jha che tovente tajha
che azucena mi poty.

Cuarajhy'änte ra'e
ajhechamiva che képe
mborayjhu porä apytépe
yaico ramo oñondive
jha péinama voi asyete
jhogue mano che yvoty
jha oicóma iyajheipy
che mborayjhu ypycue.

Che aime vaerä mombyry
mamo iñypytüvejhare
jha nde reicóne ne acäre
vy'apópe tupäsy
jha che aicóne ambyasy
reyapóva cherejhe
nde poyjhu vai etaite
che azucena mi poty.

Oikecuévo cuarajhy
ponientere ke emaña
rejhecháne ndeyoguajha
estrella ca'arupy
nde kena che tupasy
upéicha yave evy'a
jha ere mombyry aimejha
che azucena mi poty.

Cu pyjhare piro'y
reñenorö nde rupápe
oguajhéne nde apysápe
jha amo yvágagui yasy
upérö nde resapéne
jha che mombyry aiméne
che azucena mi poty.

Aga osëvo cuarajhy
pe amo yvaga mboypýpe
rejhendúne ca'aguýpe
pycu'i oñe'e asy
ndaicatúi yayupity
jhe'ivaerä rejhendu
ne corasö toñopü
che azucena mi poty.
.
Fuente:
Recopilación: MARIO HALLEY MORA
y MELANIO ALVARENGA.
Asunción-Paraguay 1991.
.
Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

No hay comentarios:

Publicar un comentario en la entrada