CARLOS MIGUEL JIMÉNEZ - CHE YVOTY MOMBYRY - OTROS POETAS QUE ESCRIBEN EN GUARANI / Fuente: ATENEO DE LENGUA Y CULTURA GUARANI

Poesía de

CARLOS MIGUEL JIMÉNEZ

(Enlace a datos biográficos y obras

en la GALERÍA DE LETRAS del

www.portalguarani.com )

.
Heñoi'akue Pilar-pe, ára 5 jasypokõi 1914-pe. Itúva hérava'ekue Carlos Federico Brackebusch ha isýkatu Amalia Elisa Jiménez. Imitãmema ouva'ekue Paraguaýpe oñemoarandúvo ha umi imbo'ehare apytépe oĩva'ekue Mbo'ehára arandu Delfín Chamorro. Upéi ovava'ekue Buenos Aires-pe ha upépe ohai ñe'ẽpoty ha ombohetia'e opaite aty ojapóvajepi Paraguaygua oikóva upépe, péicha oikuaajepe José Asunción Flores, Emilio Bobadilla Cáceres, Félix Pérez Cardozo ha Agustín Barboza-pe. Omano Paraguaýpe ary 1970-pe.
Hembiapoita apytépe oĩ: "Alma vibrante", "Golondrina fugitiva", "Mi patria soñada", "Muchachita campesina", "Flor de Pilar", "Che yvoty mombyry", "Okarayguami akãsa'yju" ha "Punta karapãme Serrato ndive"

.
CHE YVOTY MOMBYRY

I

Che angapýgui aipo'o

Ko'ã mborayhu poty

Ha péina yvytu pepo

Nde ári ohomíma oity

Hypy ha ipy'ÿive

Heta che'ahõ ñemi

Hendivekuéra oveve

Oho nemyangekoimi

.

II

Nde rerami ombojegua

Nde Sofía, che ñe'ẽ,

Ha'eñónte omohe'ẽ

Che purahéi poriahu

Ága oime che mborayhu

Ichupe omongarai

Che kuãirũ rehe ohai

Mandu'a ombopyahu

.

III

Ne korasõ rovetã

He'ihaguéicha nei

Ani remboty hatã

Jazmín ryakuãvurei

Mitãkuña Paraguái

Reko marangatumi

Che rekove oikarãi

Ne pore'ÿ kirirĩ.

.

OTROS POETAS QUE ESCRIBEN EN GUARANI:

ÑE'ẼPAPÁRA OJEKUAAVÉVA ÑANE RETÃME - OHAÍVA GUARANÍME
Juan Manuel Avalos
Gumersindo Ayala Aquino
Francisco Martín Barrios
Narciso R. Colmán
Emiliano R. Fernández
Félix Fernández
Dario Gómez Serrato
Manuel Ortiz Guerrero
Carlos Miguel Jiménez
Teodoro Salvador Mongelós
Mariano Celso Pedroso
Pedro Encina Ramos
Natalicio de María Talavera
.

ÑE'ẼPAPÁRA AGAGUA - OHAÍVA GUARANÍME
Feliciano Acosta
Mario Rubén Alvarez
Carlos Cleto Cañete
Felix de Guarania
Susy Delgado
Sabino Giménez Ortega (Aravo'i)
Pablino Gómez Vera
Miguelángel Meza
Ramón Silva
Rudi Torga
Lino Trinidad Sanabria

Fuente: ATENEO DE LENGUA Y CULTURA GUARANI

Espacio web: http://www.ateneoguarani.edu.py

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.