EMILIO BOBADILLA CÁCERES - CHE ÃNGA RUGUY POTY y MITÃ’IKUÉRA RAYHUPÁPE / Fuente: LAS CIEN MEJORES POESÍAS EN GUARANÍ.

Autor: EMILIO

BOBADILLA CÁCERES
(Enlace a datos biográficos y obras
En la GALERÍA DE LETRAS del
www.portalguarani.com )

.
CHE ÃNGA RUGUY POTY

Che ãnga ruguy poty che ñe’ãme remimbíva
ne ryakuãme rehypýiva katuĩ che rekove
mamónipoku oĩme cheichaite rasa ipo'áva
ojuhúre iporãva avei che javeve.

. Avy’águi amombe’u purahéipe añandúva
. oikuaa haguã ohendúva mborayhu porã pavẽ
. oĩmeva'erãipo ambue kunu’ũme ojahúva
. torypápe omboy’úva he’ẽvéva eirete.

Che vy'a poty jera ako ára rehasávo
cheañuã nde pukavýpe ha ikoni pe nde rete,
panambívaicha oveve ñaimo’ãnte he’ijoávo
nde ku’írõ cherekávo ikatúnte nemba’e.

. Upete guive anga che apyta ne ñandutíre
. guyrami ku mangaisýre opytárõ guaichaite,
. ndevevoíntera'e rohechávami che képe
. ha chepo’águi che páype jañaĩméma oñondive.
Emilio Bobadilla Cáceres
.

CHE ÃNGA RUGUY POTY
El poeta prorrumpe en un canto de felicidad por hallarla dueña de su amor.

Cada verso vibra al son de la inmensa alegría que embarga su corazón.

Métrica y rima perfectas.

Metáforas originales y sugerentes. T.

.
MITÃ’IKUÉRA RAYHUPÁPE

Mitã’i omba’apóva rayhupápe ipotýma
purahéi ko che jurúpe ha’e’ỹva gueteri
ndikatúiri añomi aretéma ha’eséva
ñeko’õime chemoĩngóva ha yvytúrema apoi.

. Mitã'mi kyrỹimimi ku ko’ẽ ha oikundaháva
. ku mayma tape oĩva jahecháma oitypeka
. oje’óiva ojeheka hi’ãitégui chupekuérã,
. ogueru tyvyrakuẽra ha isymíme ikarurã.

Ogapýpe mitãnguéra jahecha oñuakãkãre
ñembyahýi pe hetemíre oheja ipypore
nda’itúa jekuaágui tyre’ỹ hetã teépe
tindyhápe tembiguáirõ tyryrýpe oikove.

. Mitãmi ñane retãme kuaave ndohupytýiri
. ku ko’ẽ ha oje’óigui hi’urã repy reka
. ha upéicha okakuaa tavy pópe ndikatúigui
. arandu imboriahúgui michĩvépe anga oikuaa.

à mba’e jahechahápe ndikatúiri ñandekuéra
jaikove kyhyjepópe ha akói ñasapymi
ñamombo py’amirĩ ha ja’e ñandejopýva
rasyete ñandekutúva ha anivétei ñañomi.

. Anive kuimba’ekuéra jaheja mitãmimíme
. mba’eve oikuaa’ỹre mba’apópe ijypi,
. jaje’óina jajupi taha’éna ha’ehápe
. ha ja’e ñaikotevẽva ha anive ñakirirĩ.
Emilio Bobadilla Cáceres
.

MITÃ’IKUÉRA RAYHUPÁPE
Composición con carácter de denuncia.

El poeta, con el dolor de su alma,

ve en los niños -en su presente deplorable

y su futuro incierto- reflejarse el mal estado de la sociedad.

Invita a una benéfica reacción.

Pintura con rasgos firmes, emotivas figuras de dicción,

sangrantes expresiones, ritmo solemne y reposado.

Son cualidades señalables en la composición.

T.

EMILIO BOBADILLA CÁCERES es artista por temperamento y vocación. De él dijo Gómez Serrato: "... A más de ser profesor de música, es profesor de decoro y dignidad...". Don Emilio, como se lo llamaba cariñosamente, fue un caballero a carta cabal, que brindaba un verdadero culto a la amistad. No solamente se dedicaba a la música, sino escribía también con perfección poesías en guaraní. Algunos días antes de su partida hacia la eternidad, nos hizo entrega de más de 100 composiciones poéticas en nuestra lengua materna. En este libro publicamos dos de sus poesías en guaraní castizo. P.

.

Fuente: LAS CIEN MEJORES POESÍAS EN GUARANÍ . Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas.

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.