Recomendados

martes, 16 de febrero de 2010

MODESTO ESCOBAR AQUINO - NDEREHE’Ỹ, ORE JÁRA y HÍ'ÃITÉNTEPA / Fuente: POESÍAS DEL PARAGUAY – ANTOLOGÍA DESDE SUS ORÍGENES. ARAMÍ GRUPO EMPRESARIAL.

Autor: MODESTO
ESCOBAR AQUINO
(Enlace a datos biográficos y obras
En la GALERÍA DE LETRAS del
www.portalguarani.com )
.
NDEREHE’Ỹ, ORE JÁRA
Nderehe'ỹ,
Ñamandu tenondegua
ore Jára, ore Ru,
Mba'éta piko ava rekove,
mba'éta piko Ñamandu.

Nderehe'ỹ,
Ñande Ru Pa Pa Tenonde.
pytũ yma,
mba'e'ỹ
mano ñehẽ,
mano syry.

Nepore'ỹme,
ánga hoga'ỹva,
mymba ityre'ỹva,
jagua guahu,
jagua rasẽ ñembyahyi puku.

Ãho,
vy'a'ỹ
kyhyje,
py'aheta jepokyty,
tasẽ,
tasẽ soro
ojo'óvo omboryryisunúva yvy.

Nderehe'ỹ,
ore Jára,
tesa'ỹi ipiru,
oñyñýi ko'ẽ,
ho'a ka'aru,
pytuho,
pytupa,
ho'a pytũ,
pytũmba.
Mba'éta piko ava rekove,
mba'éta piko, Ñamandu,
nderehe'ỹ.
(1988)

NDEREHE’Ỹ, ORE JÁRA. Rescatando la cosmogonía guaraní, reelabora el autor la oración de los ava guaraní, para describir la situación límite en que se encuentran las etnias indígenas de nuestro país.
.
HÍ'ÃITÉNTEPA
Hi'ãiténtepa,
aiko aikoháre ha aiko aikovérõ,
ha'a mba'e vokóinte
vy'apavẽ saraki ñuhãme
ha kambuchi renyhẽicha
tojeka che juru
ha toñehẽrykuavo che ñe'ẽ
yvytu kurusu pepóre.

Tove topo ohohápe.
Tove topo rei,
nandi,
nandi vera,
sã'ỹ japajeréi
sãso panambi.

Tove toipyte
Mainumbymícha
mamo hyakuãhápe
yvoty ra'ỹi ypykue.
Tove toheréi
kuarahy rendy.
Tove toy'u.

Jasymi pukavy.
Tove tomono'õ
Tupã mborayhu.
Hi'ãiténtepa!
Ha áĝante ojevývo
tou tomosarambi
teko joayhu guasu,
py'aguapy rusu,
angapyhypavẽ.
Ha uperiremínte
topyta,
topytu'u,
toke,
topayve'ỹ jepe ra'e.
(1993)

HÍ'ÃITÉNTEPA. Cómo quisiera, en el trajinar de mi existencia y si aún me resta vida, de pronto sentirme caer en la oculta red de la felicidad. (Poema que nos sitúa en la fugacidad de la vida y la lucha tenaz que demanda encontrar el exacto rumbo de la condición humana).
.
Lectura recomendada: POESÍA PARAGUAYA EN GUARANÍ por RUDI TORGA
Fuente: POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA / Tel. (595-21) 373.594 / arami@rieder.net.py – Asunción / Paraguay. 2005. 781 pp.).

No hay comentarios:

Publicar un comentario en la entrada