Recomendados

martes, 9 de febrero de 2010

ENRIQUE E. GAYOSO - KUÑA RESA HŨ / Fuente: POESÍAS DEL PARAGUAY – ANTOLOGÍA DESDE SUS ORÍGENES. ARAMÍ GRUPO EMPRESARIAL.


Autor: ENRIQUE E.
GAYOSO

(Enlace a datos biográficos y obras
En la GALERÍA DE LETRAS del
www.portalguarani.com )

.
KUÑA RESA HŨ
Opa iporãva guive
Nderehénte ijatypa
Kuña ñe'ẽ asyete
Che angaiparã.
.
Jecha ramóme reikéva
Aipotánte rehendu
Nemba'erã aiporavóva
Che ñe'ẽ pyahu.
.
Aropurahéita che akãme arekóva nemba'erãmi
Aréma hi'ãva nde pópe amoingo purahéi poty
Che rembiayhupára ijukyetéva kuñataĩmi
Irorypýva opa hendápe ka'avotory.
.
Upévarenteko che
Nahendavéi che py'a
Ha'e voi nderehe
Che jararã
Ndajúi vove rohecha
Mba'épa chéve oĝuahẽ
Hi'ygue ha ikangypáva
Che rekove.
.
Ndaijurupavéiva nderechahára jepe imandu'a
Nde réra ijurúpe yvytúre opuka ha ipy'a rory
He'i ahendu mamóipo oiméne pe ha'eichagua
Kuñataĩ resa jajái ropea ysapy.
.
Mba'énepa aipotave
Erérõ cherayhuha
Nendivemínte ahase
Yvytu reka
Vy'a juayhúpe jaiko
Tanderéra mainumby
Ndéve añónte taipo'o
Ka'ysã poty.
.
Ipaháma Damiana pe nde réra che jurúgui
Jepiguáicha rohenóirõ rehendútama ipaha
Roñotỹma tesaráipe chendive rasa neañágui
Mendaremo'ã jaopáma tupãsy membykuña.
.
Kuña resa hũ chemoangaipáva rohecha guive
Ndachéve ĝuarãirõ taha javoráire tamoñe'ẽ yvytu
Nderehe'ỹ ndairovemo'ãvéima che rekove
Mba'éicha reínte ahenduse ere: rohayhu.
Ndaikomo'ãvéima.
.
KUÑA RESA HŨ. Todo hermoso en ti se anida, mujer, que tienes voz de miel. Voz que se vierte para angustiarme más y más. En mi admiración vives. Y te ruego que escuches el idioma que por ti se hace jardín. Poema que da al guaraní toda su melodía para intensificar la serenata de amor.
.
Lectura recomendada: POESÍA PARAGUAYA EN GUARANÍ por RUDI TORGA
Fuente: POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA / Tel. (595-21) 373.594 / arami@rieder.net.py – Asunción / Paraguay. 2005. 781 pp.).

No hay comentarios:

Publicar un comentario en la entrada