GUMERCINDO AYALA AQUINO - APYTU’Ữ POTY (PORAVOPYRE) y CHE ÁNGA / Fuente: POESÍAS DEL PARAGUAY. ARAMÍ GRUPO EMPRESARIAL

Autor: GUMERCINDO

AYALA AQUINO
(Enlace a datos biográficos y obras
En la GALERÍA DE LETRAS del
www.portalguarani.com )

APYTU’Ữ POTY (PORAVOPYRE)
I
Ndaha'éi ao ñandeapóva.
Ñande jajapo ichupe.
Iporãmo térã osoróva.
Nandeapére jarekóva.
Ha hyepýpe karameğuáicha
Akóinte hína ñande.
II
Pe máva ohasa'ỹva
Hekovépe tekotevẽ:
Jepémo iñarandúva,
Ndoikuaái tavaygua rape.
III
Pe nde sýpe rehayhúrõ
Ndepo'ava'erã tapia.
Nemandu'ánteke hese
Reikoteve'ỹ aja.
IV
Ani rejahéi márõ avavére
Reipota'ỹrõ ojejabéi nderehe.
Ha ema'ẽke nde rekovére
Reikese ramo ipype.
V
Ema'ẽ ha ejesareko.
Tape potĩ eipykúi.
Ani anga nepyrũ pyho
Ha tujurykue nderypýi
VI
Ndaha'éi yvyguýpe
Opytu'úva ityvýpe
Añónte pe te'õngue.
Hi'ánga ikusuguéva
Yvy ári oikovéva:
Upéva avei ha'e.
VII
Heñóiva ykua yvu ysyrehe oñani,
Vokóinte oho hağua
Paraguasúpe okañy.
Upéicha avei ñande
Arapýre jasyryry,
Jaha hağua voiete
Ñamboavevóma yvy.
VIII
Porã ha mborayhu
Umíva ojoyke'y.
Reheka'ỹre rejuhu.
Rehecha'ỹre okañy.

APYTU’Ữ POTY: Son reflexiones filosóficas sobre las diferentes realidades de la condición humana.
.
CHE ÁNGA

Che ánga repopoitéva che py’apýpe
Nañandúiva araka’eve péicha nde popo
Térãiko nandejavéima pe nde kotýpe
Ha resẽse ichugui rehejávo ha’eño?

Che añoiteanga aikuaa ndéve ojehúva
Ndepype reñomíva ñembyasy
Vy’a’ỹ ne ñe’ã mbytépe ndesu’úva
Ha upéicha reikovéva tyre’ỹ.

Che aveíko che ánga areko chéve hasýva
Ha ndeichaite asẽséma aveve…
Aheja ko yvy tatatĩgui henyhẽva.

Chera’ãrõna… Ha ñakañývo oñondive
Ñambogue tekotevsẽ ñanderesýva
¡Ha javevete guyramícha mokõive!.

CHE ÁNGA: Es un diálogo del poeta con su propia alma. Escucha que el latido de su corazón pierde su ritmo natural y le propone que juntos abandonen la vida…

.
Fuente: POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA / Tel. (595-21) 373.594 / arami@rieder.net.py – Asunción / Paraguay. 2005. 781 pp.).