Recomendados

miércoles, 17 de febrero de 2010

FELICIANO ACOSTA - NE’E RYRYI, PYKASU, KO’EJU, AYVU / Fuente: EL TRINO SOTERRADO por LUIS MARÍA MARTÍNEZ


(Enlace a datos biográficos y obras
en la GALERÍA DE LETRAS del
.
NE’E RYRYI

Che ahy’ópe
oryrýi
che ñe’e.

Che ñe’e
oseséva
ombokua
yvytu.

Che ruguy
opupu,
osapukáí
mboriahúpe
guara
oipota
piro’y.

Che ahy’ópe
oryrýi
che ñe’e.

Che ñe’e
oseséva
ombokua
yvytu.

Ha katu
iporave
che ahy’ópe
omano.

PYKASU

Aipota
kuarahy rata
ojope meme
yvy
poriahu.

Kuarahy
mimbi
ndaipotái
ógue.
Yvytu avei
ani ipore’y
omoka
hagua
mboriahu
ry’ái.

Aipota.
Aipota
tajy ipotypu
ha umi pykasu
oveve jey.


KO’EJU

Koeju.
Ko eju.
Mamóiko
reime.
Ipohýi,
ipohýi
ko pytu.
Hetaitéma
osyry
jukyry.

Ñembyahyi
iko’e
ha ipytu
ogami
kapi’i
pepo
guype.

Yvytu.
Ejúna
yvytu
rehasávo
ehetunte
jepe
oipovava
angata
ko’eju
ra’arovo
oikovéva
rova.


AYVU
Tape
vaíre
ayvu
mbeguekatu
oguejy.
Yvyku’ípe
opyta.
Ara
otiri.
Ojeka.
Tyapu
guasu
oñohe.
Ipa’u
rupi
kuimba’e
hy’ái
poty
ogueroja.
Guéi
ojetu’u,
omyata
itimbu.
Chokokue
hi’ambu.
Sapukái
ojoyvy.
Ochia.
Oku’e.
Hasypevéko
ayvu
oguatami
jey.
Sara ñure
isarambi.
Turuñe’e
kyre’y
táva
rapére
ogue.
Akóinte
péicha
aipota
jeroviápe
tapicha
kokue
poty
ogueroja
ha ojerekúevo
vy’a
ijurúpe
taipoty.

FELICIANO ACOSTA. Autor en 1983 de Ñe’e Ryry’i, mantiene el ritmo sesgado y reiterativo de los componentes del Taller Literario Ortiz Guerrero.
.
Fuente: El trino soterrado. Paraguay : aproximación al itinerario de su poesía social. Tomo II - Autor: LUIS MARÍA MARTÍNEZ - Edición digital: Alicante : Biblioteca Virtual Miguel de Cervantes, 2002 N. sobre edición original: Edición digital basada en la de Asunción (Paraguay), Ediciones Intento, [1986].

No hay comentarios:

Publicar un comentario