Recomendados

jueves, 1 de julio de 2010

EMILIANO R. FERNÁNDEZ - GUYRA ÑE’ËGUI / Fuente: CANCIONES PARAGUAYAS DE AYER Y HOY – Recopilación: MARIO HALLEY MORA y MELANIO ALVARENGA.


GUYRA ÑE’ËGUI
Canción de
EMILIANO R. FERNÁNDEZ
(Enlace a datos biográficos y obras
En la GALERÍA DE LETRAS del
www.portalguarani.com )
.
GUYRA ÑE’ËGUI
Amboyoyávo che mbaraca co chemboayéma
guyra mita cavure'i jha surucu'a
jui jui catuco che ári rupi ovevéma
omo añeivo co seis de julio co'ëmbota.

Che ambyatýma mbaracasäre ava ñe'ëgui
purajheiráva Norberto Amancio rerapete
jha oyerokýma che cu apy'ari vy'a pavëgui
co seis de junio ne santo ára ico'ë yave.

Umi ovevéva ivagapype Tupä rymbáva
nga'u nde ypype opurajhéivo oime oguey'ï
nde acä ári tojhecuavómo cu oyayaipáva
nba'e jhepyva pe yvagamíme iñongatupy.

Jhi'ante chéve reyovajheirö pe co'etïme
nde syvaitépe nde rejheimiva co'ëmbïyu
jha upecuévo tomondykymo cu che pomime
Tupä icuágui piro'ymíva ysapy pyajhu.

Nga'u avei cu ysoindymícha mbïya co'ëgui
eichuchaguáva nde raperame oyeroky
jha omombiávo mba'e ivaiva nde recovégui
nde po mbytépe felicidades ombopoty.

Yvu poräicha cu Ñandeyáragui oúna ndéve
cu ojhypyiva nde agami jha nde recove
nde caria'yvo reico jhaguäma co yvy apére
yojheipyre jha py'a poräva cuimba'ete.

Ya rejhendúma Norberto Amancio che eyeruréva
nemba'eräre Taita pavëme amyanguecói
jha ojhendurö che corasögui chupe jha'éva
nde recojhare ndoguataichéne póra jha mbói.


Co'agä oiméne umi jhavia co'ë ojhenóiva
jha umi calandria ne santo árape nemoirü
cuarajhymi catu osenguevo oñatimóiva
ndéve guaräke jhenimbomíre tombo yuayu.

.
Fuente:
Recopilación: MARIO HALLEY MORA
y MELANIO ALVARENGA. Asunción-Paraguay 1991.
.
Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

No hay comentarios:

Publicar un comentario en la entrada