EDUARDO R. PAREDES - BATALLA DE TOLEDO (POESÍA) / Fuente: ESCRITORES Y MÚSICOS DE LA ÉPOCA DE LA GUERRA DEL CHACO. Autor: CANCIO GIMENEZ.

BATALLA DE TOLEDO
Poesía de
EDUARDO R. PAREDES
(Enlace a datos biográficos y obras
en la GALERÍA DE LETRAS del
www.portalguarani.com )

.
BATALLA DE TOLEDO
Coina äga pejhenduta la Batalla de Toledo
iporä coicha atyjhape mbykymí ñamombe'u,
jhetavécu oicuaá ÿva rojhasá vaecué upérö
jha tové toicuaamí ¡ägäguá mitä pyajhú!

El 23 de febrero voí eté oñepyrüma
ndosovei upe bombardeo omboryrýiva peyvy,
veinticuatro asayevo, la infantería ouma
¡oitypá vaieha ouvo pe Toledo ca'aguy!

Opaiteichaguá mbocá ñajhendú oñembopuva
ipa'ürupi oicó popy'ÿi arasunú
guyryry jhendupyrame ore ca'arupytüva
¡upeicha ore co'ëva, jha upeicha ore pytü!

Upe día de juicio rojhasá vaecué umi ara
dieciseis días con sus noches pararä jha cañón pú,
upe campo de batalla ñaimo'ä cu osusumbava
umi ciento cinco bala ñajihendúrö osununú.

Jha avión boliviano ore ari oñojhëva
ochiviviva ouvo hierro, aveí plomo jha tatá,
peichajhagui royapí peteï jhi äguiveva.
¡R.I. 5 pa'üme pururume cu jho'a!

Jha umí en treverojhape ñajhendú jha yajhechava
añetejhape oicova ndayagueroviai voí
y ajhechaco pe jho'ore icangué oyejhe'ava
¡jha umí omanombotava ojhenoiva ysymí !

Upe el once de marzo oyapó la retirada
vaicuepe ojhó jhicuai mbovymí jhemby vaecué,
ca’arú Sargento Triai i clarín pe oanunciama
¡la victoria paraguaya pe Toledo pe guaré!

Ndajha'ei pe oye'ejhaicha ni aipó ipy'a mirïva
ni aipo ovale'ÿva ñorairöme umi boli,
oyujhúnteco jhapepe cuimba e opyryryiva
ivalle omotï ÿva upe Raza Guaraní.


.

Fuente: ESCRITORES Y MÚSICOS DE LA ÉPOCA
DE LA GUERRA DEL CHACO
Autor: CANCIO GIMENEZ,
Ediciones Intento, 1987 (212 páginas)

.
Visite la GALERÍA DE LETRAS

del PORTALGUARANI.COM

Amplio resumen de autores y obras

de la Literatura Paraguaya.

Poesía, Novela, Cuento, Ensayo, Teatro y mucho más.