SABINO GIMÉNEZ ORTEGA - MITÃ TYRE’Ỹ / Fuente: POESÍAS DEL PARAGUAY – ANTOLOGÍA DESDE SUS ORÍGENES. ARAMÍ GRUPO EMPRESARIAL

Autor: SABINO
GIMÉNEZ ORTEGA
(Enlace a datos biográficos y obras
En la GALERÍA DE LETRAS del
www.portalguarani.com )

.
MITÃ TYRE’Ỹ
Ñembyasy rovái tesarái kupépe,
Ipomi hováre mitã tyre'ỹ.
Oguapy hasẽ pe tape yképe
Ha yvytu ojoka pe ipire nandi.

Pore'ỹ pohýi opoñy hetére.
Opágui chugui isy mborayhu.
Opytarei ha'eño ijapére
Ogueroguatávo pe ikurusu.

Kuatiami ári hesay hováre.
Hakamby pa'ũme ipomi oñeno.
Ñembyahýi asy oikytĩ ipy'ápe.
Hemiandu ratágui kunu'ũ omano.

Ho'ysãmimbi oguapy hetére
Hypy'apaitéva jasy resay.
Ipire hovy kuatiami guýpe,
Hetemi oryrýi mitã tyre'ỹ.

Pytuhẽrãngue pyahẽnte orekóva.
Vy'a ndoikuaáigui tasẽ omondoro.
Mitã tyre'ỹ hosãgui oikovéva,
Ñembyasy asýgui hendymi omokõ.

Ombotavységui py'a Ñandejára,
Haimete opívo osẽva oheka.
Hi'upyrãmi ytýpe ohejáva,
Umi oguerekóva imombopyrã.

Jepémo chave haimete ha'éicha,
Agueru cheykére mitã tyre'ỹ.
Peteĩ mba'e ro'u mokõivéva,
Ko'áĝa tuicháma mitã tyre'ỹ.

Iñakãhatã ikyre'ỹvéma,
Omboveraséma opa sapatu.
Che pytyvõhárõ rokaru haĝuáicha
Ajuhuva'ekue mitã tyre'ỹ.
.

MITÃ TYRE’Ỹ. Nuevamente el tema de la niñez desamparada que día a día aumenta en el país. El autor siente la necesidad de dialogar con el niño que viene a solicitar algún alimento porque tiene hambre. Reconoce el poeta que, también él, es un ser que vive en la orfandad.
.
Lectura recomendada: POESÍA PARAGUAYA EN GUARANÍ por RUDI TORGA
Fuente: POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA / Tel. (595-21) 373.594 / arami@rieder.net.py – Asunción / Paraguay. 2005. 781 pp.).