Recomendados

miércoles, 4 de agosto de 2010

MANUEL D. CARDOZO - YVOTY ÁRA (Poesía) / Fuente: LAS CIEN MEJORES POESÍAS EN GUARANÍ. Por PEDRO ENCINA RAMOS y TATAJYVA.

YVOTY ÁRA
Poesía de
MANUEL D. CARDOZO
(Enlace a datos biográficos y obras
en la GALERÍA DE LETRAS del
.
YVOTY ÁRA
.
¡Qué hermosa es la obra de Dios a los ojos del poeta!
Vibra su espíritu antela visión primaveral
y comparte su alegría de esteta con el lector.

.
Péina ro'y ohasáma ha oĝuahẽ ko yvoty ára
yvyra rakã maymáva hokypa jevy haguã
ha yvytu ipiro’ysãva oipejúre che rokára
che py’a ikyrỹ-kyrỹivo tañatõi che mbaraka.
.
.
Ko’ã ára iporãmbáva Ñandejára omoĩngovéva
. pe okáre ñasẽhápe ñahetữ yvoty ryakuã
. ha pe ñúre guyrakuéra rehendúmane oñe’ẽva
. opaitéĩchagua ñe’ẽme, oĝuahẽre ivy’aha.
. Ko’ẽmbáre rehecháma pejai pytãngypáva
. -Kuarahy ombojeguáva ojupívo amo yvate-
. Ha ipype ñande yvypóra vy'amínte jahekáva
. hi’ãitéma vaicha upépe ñane ãnga imitãve.
.
Tove ku asaje pytérõ reñenóma yvyra guýpe
ha nde’ypýpe nde’yketére rehayhúva kuñami,
yvytu nde hereijávo, upépe, tove torýpe,
ndapichy, nemoñe’ẽvo nderayhúvaha te’i.
.
.
Mamópa rehosevéne Paraguaýpe reimérõ,
. tetã ambuépe ndaipóri revy'a haguã ãichaite
. ha sapy’ánte rehórõ, rejere rejerevérõ,
. nderetopaichéne upépe nde reko vy’a hague.
.
Añete, revy’asérõ py’aróma rerekóne
ha mba'e mbyasy nde ahoi’ívo hi’ãne reju jevy,
ha upépe ae ku eremíne che retãmente amanóne,
che retã, ku yvotytýpe, opytáva mombyry.
.
.
Tetã ambuépe ku oĩméne añete hechapyrãva
. jareko’ỹva ko'ápe mbyáva rembiapokue,
. upéicha avei noĩchéne mba’apo’ỹre ohasáva
. okarusérõ upe ára oiko aja hekove.
.
Mamópa Paraguaýcha jatopa otro hendápe,
ko yvoty ára oguahẽvo yvápe ñaime haguã,
mamópa, eremína chéve, ko'ápe japytahápe
mamópane, apeguáicha jatopa vy’amayma.
.
Fuente:
Con nuevas incorporaciones y grafía actualizada.
Asunción-Paraguay 1997 – 425 páginas.

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

No hay comentarios:

Publicar un comentario en la entrada